Нукус давлат педагогика институти ректори ва факультет деканларининг «Ёзилмаган қонун»и ёшларнинг адолатлик ва келажакка ишончини ўлдирмоқда

Ўзбекистон Республикаси Президенти Мирзиёев Шавкат Миромоновичга!
Ўзбекистон Республикаси Бош прокурори Муродов Отабек Бахриддиновичга!

Нукус давлат педагогика институти ректори ва факультет деканларининг «Ёзилмаган қонун»и ёшларнинг адолатлик ва келажакка ишончини ўлдирмоқда

Ҳурматли Шавкат Миромонович! Нукус давлат педагогика институтнинг барча профессор-ўқитувчилари институтдаги коррупция ва жиноий ўзбошимчаликлардан ҳамда институт деворларига сингиб кетган порахўрлик ҳавосидан қаттиқ саросимага тушмоқда. Ҳаммага маълумки, ҳозир 2017-2018 ўқув йилининг биринчи ярми якунланиб, талабалар қишки семестр якуний назоратларини топширмоқда.
Институтнинг барча профессор-ўқитувчилари Математика-информатика факультети декани Алланазаров Жуманиязнинг коррупция ва чидаб бўлмаслик даражада қулоч ёйган порахўрликларидан ҳайратга тушмоқда. Сабаби математика-информатика факультети декани Алланазаров Жуманияз бошчилигида амалга оширилиб келинаётган сурбетлик ва жиноий ўзбошимчаликлари мисли кўрилмаган даражага етиб келди.
Жумладан, ушбу факультетда декан ва унинг ўринбосорлари якуний имтихонлардан олдин ўқитувчилар ўрнига ўзлари талабаларга фанлар бўйича якуний назорат баҳоларини олдиндан қўйиб, ўқитувчиларни ушбу баҳоларни якуний қайдномаларга (ведомость) расмийлаштиришга мажбурламоқда. Албатта, деканатнинг яхши ўқимайдиган ва дарсларга яхши қатнашмайдиган талабаларга яхши баҳолар қўйишга ўқитувчиларни мажбурлаши каби хунук ҳаракатлардан кўпчилик ўқитувчилар норози бўлмоқда.
Шу муносабат билан, мазкур факультетда декан Алланазаров Жуманиязнинг қонунга ҳилоф хатти ҳаракатлари сабабли иш шу даражага етиб бордики, ҳозирги вақтда кўпчилик ўқитувчиларда фанлар бўйича якуний ёзма ишларга қўйилган баллар билан якуний қайдномаларга қўйилган балларнинг бир бирига мос келмаслик ҳолатлари юзага келган (агар ҳозир ушбу факультетда огоҳлантиришсиз бориб тулик текшириб кўрилса, талабаларнинг фанлар бўйича ёзма ишига қўйилган баллари билан қайдномаларга қўйилган, ёки журналларга қўйилган балларнинг бир бирига мос келмаслиги, ёки тузатишлар қилинганлиги ҳолатларини кўриш мумкин).
Бу қонун бузилишлар қайдномалардаги баҳоларга ва шунга мос равишда стипендия миқдорларига таъсир қилади. Унинг устига, мазкур факультетларда гуруҳлардаги талабалар ўз гуруҳларидаги баъзи бир ҳеч қандай сабабсиз доимо дарслардан қоладиган ва қолдирган дарсларини қайта ўзлаштирмайдиган талабаларнинг факультет декани Алланазаровнинг ёрдами билан «4» ва «5» баҳоларини олаётганликларига ўз норозиликларини билдиришмоқда. Факультетда ҳаттоки якуний назорат ишларига ҳам келмайдиган талабалар тоифаси мавжуб бўлиб, гуруҳ сардори уларнинг ўрнига маълум миқдордаги маблағ (5-10 минг сўм) эвазига уларнинг ўрнига ёзма ишини ёзиб бормоқда (исбот учун ушбу талабаларнинг рўйхати мавжуд бўлиб, уларнинг қўл ёзма излари (почерки) ёзма ишларидаги қўл ёзма излари билан мос келмаслигини солиштириб кўриш мумкин).
«Факультет декани талабалари» тоифасига киритиш учун факультет декани Аллазаров Жуманияз қишқи сессия олдидан маънавият ишлари бўйича декан ўринбосори Сейтбеков Адил (институт ректори К.Оразимбетовнинг мурундук боласи) ва деканатга «яқин» ўқитувчилар орқали ўзининг «талабаларнинг коммерцион рўйхатини» шакллантирди. Ушбу «деканнинг талабалари рўйхати»га қўшилиш учун «4» баҳосига 800минг сўм ва «5» баҳосига 1млн. 200минг сўм миқдоридаги маблағ тўлаши керак бўлади. «Деканнинг рўйхатидаги талабалар»нинг имтиёзли томони шундан иборатки, ушбу талабалар албатта, фақат «4» ва «5» баҳоларига тенглаштирилган юқори балларга ўзлаштиришади. Шу баҳоларга мос равишда ушбу «деканнинг рўйхатидаги» талабалар автоматик тарзда стипендиянинг оширилган миқдорларини «4» баҳоси учун 329минг 529 сўм ва «5» баҳоси учун 439минг 372 сўм олишга муваффақ бўлишади.
Тартиб ва қоидаларга кўра ҳар бир олий таълим муассасаси учун маълум миқдордаги бюджет ва маълум миқдордаги талабаларнинг баҳолар бўйича стипендиялари квоталари тасдиқланган бўлиб, ҳар бир факультет декани мазкур меъёрдан ошмаслиги керак. Шу муносабат билан декан Алланазаров Жуманияз ўқитувчиларни «деканнинг рўйхатидаги талабалар»дан ташқари барча талабаларга «3» баҳосини қўйиш ёки уларни фанлардан қарздор (пересдача) қилишга мажбурламоқда.
Оразимбетов Куанишбай институт ректори лавозимига келганидан бошлаб ушбу «ёзилмаган қонунлар»ни институт ректорининг қистови остида факультет деканлар кафедра мудирлари, ўқитувчилар ва талабаларнинг онгига мажбуран сингдирилиб, «ҳар кунги анъанага» айланмоқда (Олдинги ректор Пренов Барликбай порахурликка карши эди ва бундай салбий харакатларга доимо курашиб келди).
«Ёзилмаган қонун»-агар сен «деканнинг рўйхатида» йўқ бўлсанг, қанчалик даражада яхши ўқисанг ҳам, барча фанларни энг юқори даражада ўзлаштирсанг ҳам охирида «3» баҳосига умид қилишинг мумкин, акс ҳолда қарздор (пересдача) бўласан-жамиятнинг адолатлик ва келажакка ишончини ўлдирмоқда.
Албатта, норози бўлаётган кафедра мудирлари, ўқитувчилар ва талабалар институт ректоратига шикоят қилишмоқда. «Математика ўқитиш методикаси» ва «Информатика ўқитиш методикаси» кафедралари ўқитувчилари институт ректори Қ.Оразимбетовга факультет декани Алланазаров Жуманиязнинг коррупцион хатти ҳаракатларини тўла акс эттирган тарзда хат ёзишган. Аммо институт ректори К.Оразимбетов томонидан ҳеч қандай қарши ҳаракат (реакция) бўлмаган, чунки унинг ўзи факультет деканини қўллаб-қувватлаб, унинг коррупцион ҳаракатларидан манфаатдор бўлмоқда.
Факультетдаги носоғлом муҳит туфайли юзага келаётган ва айтилаётган салбий фактларни таҳлил қилиш ва чоралар кўриш ўрнига институт ректори К.Оразимбетов аксинча, ҳар бир ишлаб чиқариш мажлислари ва институт Кенгашларида порахўр декан Алланазаров Жуманиязни мақтаб, унинг «факультетдаги ишларига» ижобий баҳо бериб келмоқда.
Институт ректори К.Оразимбетов томонидан 2017-2018 ўқув йилининг қишқи сессиясини ёпиши даврида ҳар бир факультет деканига 3 минг (24 млн.сўм) дан 5 минг (40 млн.сўм) долларгача бўлган миқдордаги «ректорнинг сессиядан солиғи»ни солди.
«Ректорнинг сессиядан оладиган солиғи»нинг миқдори ҳар бир факультетда таҳсил оладиган талабалар контингентидан келиб чиқиб белгиланади. Агар талабалар сони 400-500 тани ташкил этса «сессия солиғи» 3 минг доллар, агарда 800 ва ундан кўп бўлса, унда 4-5 минг доллар миқдорида белгиланади. Оразимбетов Куанишбайга яқин бўлган институтдаги деканлар ушбу «ректорнинг сессиядаги солиғи»ни ўндириб бериш ҳамда ўзлари ҳам «ишлаб олиш» мақсадида ўз факультетидаги ҳар бир гуруҳнинг ярмидан кўп талабаларини «банд қилиб олишган» ва ўқитувчиларни уларга «4» ва «5» баҳоларини қўйишга мажбурламоқда.
Ана шундай «факультет деканлари фаолиятини баҳолашнинг ўрнатилган планкаси» туфайли бошқа факультетлар деканлари ҳам ўша порахўр деканнинг иш услубларини «ўрганиб олишга» ва улар учун белгиланган «ректорнинг сессиядаги солиғи» планкасини ишлаб беришга мажбур бўлмоқда.
Математика-информатика факультетида дарс берадиган ўқитувчилар ёрдамида «деканнинг рўйхатидаги» имтиёзли талабаларнинг сони ва фамилияларини билиб олишга муваффақ бўлдик.
Жумладан, 900 та атрофида талабалар таҳсил оладиган математика-информатика факультетида 2017-2018 ўқув йилининг қишқи сессияси вақтида факультет декани Алланазаров Жуманиязнинг «коммерцион рўйхатида» 308 та талаба бўлди (ҳар бир талабадан камида 800минг сўмдан).
Масалан, 1-курс «математика ўкитиш методикаси» талим йўналишининг 1 ўзбек гурухларида 38 талабадан 19 таси, коракалпок гурухларида 60 талабадан 29 таси, «информатика ўкитиш методикаси» таълим йўналишининг 1-курс коракалпок гурухларида 31 талабадан 14 таси, 2-курс коракалпок гурухларида 21 талабадан 9 таси, 3-курс коракалпок гурухларида 31 талабадан 14 таси ва х.к. декан Алланазаров Жуманиязнинг «коммерцион рўйхати»га киритилган.
Декан Алланазаров Жуманиязнинг «коммерцион рўйхати»га 1-курс талабаларидан Ш.Бабажанов, Н.Дузелова, К.Жиенбаев, К.Досназарова, 2-курс талабаларидан П.Оразбаева, А.Аминова, М.Айтекова, Г.Жакетова, 3-курс талабаларидан Х.Карлыбаева, Д.Айтбаева, Д.Якупбаева, К.Толыбаев, 4-курс талабаларидан З.Машарипова, А.Сагынбаева, Б.Узакова, С.Кутлымуратоваи ва бошкалар киритилган (декан Алланазаров Жуманиязнинг «коммерцион рўйхати»га киритилган талабаларнинг тўлик рўйхати мавжуд).
Агар декан Алланазаров Жуманиязнинг «коммерцион рўйхати»га киритилган 308 та талабани 800 минг сўмдан хисобласа 246млн. сўмдан ортикни ташкил килади.
Якинда Алланазаров Жуманияз Нукус шахрининг марказидан битта уч хонали уй (квартира) сотиб олди (ушбу уйнинг манзили бор). У бу уйни кайси пули эвазига (талабаларнинг ота-оналарининг кўз ёшлари) олганлиги ўз-ўзидан аён бўлмокда.
Алланазаров Жуманияз хозир бу уйни ижарачиларга бериб, хар ойда белгиланган суммани олиб ўтир.
Ҳурматли Шавкат Миромонович! Нукус давлат педагогика институти ректори Оразимбетов Кууанишбай ва факультет декани Алланазаров Жуманиязнинг «хамкорликдаги коррупцион фаолиятлари» мисолида Сизнинг порахўрлик ва коррупцияга карши олиб бораётган давлат сиёсатингизга карши харакат килинаётганликларини аник кўриш мумкин.

Нукус давлат педагогика институти Математика-информатика факультети жамоасининг бир гурух профессор-укитувчилари номидан